ՆԱՏՕ-ի ուսումնական կենտրոնը կարող է բացվել Թբիլիսիի մոտ գտնվող «Վազիանի» ռազմաբազայում
Грузия Online-ի փոխանցմամբ՝ ՆԱՏՕ-ի ուսումնական կենտրոնը կարող է բացվել Թբիլիսիի մոտ գտնվող «Վազիանի» ռազմաբազայում: Այս մասին հայտնել է Վրաստանի Հանրային հեռարձակողի Առաջին հեռուստաալիքը:
Խոսքը գնում է այն կենտրոնի մասին, որի ստեղծումը նախատեսված է Ուելսում անցկացված ՆԱՏՕ-ի գագաթաժողովի արդյունքներով երկրին հատկացված «Վրաստանի հետ համագործակցության ուժեղացված փաթեթով»: Մանրամասները հստակեցնելու համար այս շաբաթ Թբիլիսի են ժամանելու ՆԱՏՕ-ի անդամ երկրների պատվիրակությունն ու ռազմական փորձագետները:
Հենց այդ այցերից հետո էլ հայտնի կդառնան, թե ինչպիսի զորավարժություններ են անցկացվելու նոր ռազմաբազայում, և արդյոք այնտեղ են տեղակայվելո՞ւ ՆԱՏՕ-ի ռազմական ներկայացուցիչները, թե՞ ոչ:
