Նիդերլանդները հրապարակել է Boeing 777 օդանավի կործանման պատճառների մասին նախնական զեկույցը
Ռուսական РИА Новости լրատվական գործակալության փոխանցմամբ՝ Նիդերլանդների Անվտանգության խորհուրդը հրապարակել է Ուկրաինայում Malaysia Airlines ավիաընկերության ինքնաթիռի կործանման պատճառների մասին նախնական զեկույցը:
Փորձագետները եկել են այն եզրակացության, որ օդանավը մասերի է բաժանվել թռիչքի ընթացքում: Որպես աղետի պատճառ է նշվում «արտաքին ազդեցության հետևանքով կառուցվածքային փլուզումը»: Մասնագետներն անհրաժեշտ են համարել ավիաաղետի հավելյալ հետաքննումը:
Փաստաթղթում նշված է, որ Boeing 777 օդանավի կործանման գործում ի հայտ են եկել հավելյալ հանցանշաններ: