Ֆրանսուա Օլանդը Փարիզում կազմակերպում է Հայաստանի ու Ադրբեջանի նախագահների հանդիպում
Ադրբեջանական Oxu.az կայքի փոխանցմամբ՝ Ֆրանսիայի նախագահ Ֆրանսուա Օլանդը կազմակերպում է Հայաստանի ու Ադրբեջանի նախագահների հանդիպում, որը Փարիզում տեղի է ունենալու հոկտեմբերի սկզբին, հնարավոր է՝ հոկտեմբերի 10-ին:
Այս մասին հայտարարել է ԵԽԽՎ փոխնախագահ, Ֆրասիայի Ազգային ժողովի պատգամավոր, Հայ-ֆրանսիական բարեկամության խորհրդարանական խմբի փոխնախագահ Ռենե Ռուկեն:
Նա հիշեցրել է, որ Ռուսաստանի նախագահ Վլադիմիր Պուտինը սրանից առաջ Սոչիում կազմակերպել է Հայաստանի ու Ադրբեջանի նախագահների հանդիպում, ինչից առաջ շփման գծում իրավիճակը սրվել է, սակայն դրանից հետո լարվածությունը մեղմացել է.
«Շատ կարևոր է, որ Սոչիի հանդիպման ժամանակ կողմերը զրուցել են միմյանց հետ և ընտրել են ըմբռնման ուղին»: Սոչիում Հայաստանի, Ադրբեջանի ու Ռուսաստանի նախագահների եռակողմ այդ հանդիպումն անցկացվել է օգոստոսի 10-ին:
