Պենտագոնի ղեկավարը հերքել է Ուկրաինայի հետ գաղտնի ռազմական գործարքի մասին տեղեկատվությունը
Բրիտանական Reuters լրատվական գործակալության փոխանցմամբ՝ Պենտագոնի ղեկավար Չաք Հեյգելն իր թուրքական այցի ժամանակ հերքել է Ուկրաինային զենքի գաղտնի մատակարարումների մասին տեղեկատվությունը:
Հեյգելը հայտարարել է, որ իրեն հայտնի չէ Ուկրաինային զենք մատակարարելու մասին որևէ գաղտնի գործարքի մասին, որն իբրև թե ստորագրվել է Ուելսում անցկացված ՆԱՏՕ-ի գագաթաժողովի ժամանակ:
Հեյգելը հույս է հայտնել, որ Ուկրաինայում կպահպանվի հրադադարի ռեժիմը՝ ընդգծելով, որ Ուկրաինայի արևելքի հակամարտությունը չի կարող կարգավորվել ռազմական ճանապարհով, և որ կարգավորումը պետք է իրականացվի քաղաքական ճանապարհով: