Երկրորդ համաշխարհային պատերազմից հետո ԱՄՆ-ը տապալել է ավելի քան 50 երկրի ղեկավարների. Ալի Խամենեի
Իրանական IRNA լրատվական գործակալության փոխանցմամբ` Իրանի գերագույն ղեկավար և հոգևոր առաջնորդ, այաթոլլահ Ալի Խամենեին փորձագետների հետ հանդիպման ժամանակ հայտարարել է, որ վաղուց վերացել է հավատն Արևմուտքի այն կարգախոսի հանդեպ, որ նա պայքարում է հանուն ժողովրդավարության ու մարդու իրավունքների:
Խամենեին ընդգծել է, որ Երկրորդ համաշխարհային պատերազմի ավարտից հետո միայն Վաշինգտոնը, բռնություն կիրառելով, տապալել է ավելի քան 50 երկրների ղեկավարների:
Խամենեին արևմտյան երկրներին և մասնավորապես ԱՄՆ-ին մեղադրել է ահաբեկչական կազմակերպությունների, ինչպիսիք են «Ալ-Քաիդան» ու «Իսլամական պետություն», ստեղծմանը նպաստելու մեջ:
Խամենեին մտահոգություն է հայտնել արևմտյան հասարակությունում բարոյական անկման խորացման կապակցությամբ` կապված նիհիլիզմի տարածման ու ընտանեկան ինստիտուտի կործանման հետ:
