«Իսլամական պետություն» խմբավորումը մտադիր է «ազատագրել» Չեչնիան
Al Arabiya հեռուստաալիքի փոխանցմամբ` «Իսլամական պետություն» խմբավորման զինյալները համացանցում հրապարակել են մի տեսանյութ, որում սպառնում են պատերազմ սանձազերծել Կովկասում և մասնավորապես Չեչնիայում:
Ձայնագրության մեջ երևում է, որ զինյալները կանգնած են խորհրդային հին կործանիչի մոտ, որը նրանց ձեռքում է հայտնվել Սիրիայի Ռաքքահ նահանգի ռազմական օդանավակայաններից մեկում:
Ահաբեկիչներից մեկը դիմել է Ռուսաստանի նախագահ Վլադիմիր Պուտինին` հայտարարելով, որ մտադիր է «ազատագրել» Չեչնիան ու Կովկասը և այնտեղ ստեղծել «իսլամական խալիֆաթ»:
Բացի այդ, զինյալները սպառնում են Սիրիայի նախագահ Բաշար Ասադին` խոստանալով հարվածներ հասցնել օդից:
