Թուրքիան ավարտել է Պակիստանի ռազմաօդային ուժերի կործանիչների արդիականացումը
Lenta.ru-ի փոխանցմամբ՝ թուրքական Turkish Aerospace Industries (TAI) ընկերությունն այսօր Պակիստանին է հանձնել վերջին չորս F-16 տիպի արդիականացված կործանիչները: Այս մասին նշված է ընկերության տարածած հայտարարությունում:
2009 թվականին ստորագրված պայմանագրի համաձայն, Թուրքիայում արդիականացվել է Պակիստանի ռազմաօդային ուժերին պատկանող 41 հատ F-16 կործանիչ: Ի թիվս այլ բաների, կատարելագործվել է ինքնաթիռների էլեկտրոնիկան ու իրականացվել են կառուցվածքային լրամշակումներ:
Բացի այդ, պակիստանցի օդաչուները նախապատրաստական կուրս են անցել TAI-ի բազայում: Պակիստանի ռազմաօդային ուժերի կործանիչների արդիականացման արժեքի մասին ոչինչ չի հաղորդվում:
