ԵՄ-ի ու Ուկրաինայի միջև Ասոցացման համաձայնագրի տնտեսական մասը կարող է ուժի մեջ մտնել նոյեմբերի 1-ին
Ռուսական ИТАР-ТАСС լրատվական գործակալության փոխանցմամբ՝ ԵՄ-ի ու Ուկրաինայի միջև Ասոցացման համաձայնագրի տնտեսական մասը կարող է ուժի մեջ մտնել նոյեմբերի 1-ին: Այս մասին լրագրողների հետ ճեպազրույցում հայտարարել է Ուկրաինայի ԱԳՆ-ի պաշտոնական ներկայացուցիչ Եվգենի Պերեբիյնիսը:
Նրա խոսքերով՝ Ուկրաինայի նախագահը հաստատել է, որ մտադիր է ԵՄ-ի հետ Ասոցացման համաձայնագիրը վավերացնել սեպտեմբերի կեսին. «Սեպտեմբերին համաձայնագրի վավերացումը հնարավորություն կտա այն գործարկել արդեն այս տարվա նոյեմբերի 1-ին: Ուկրաինան համաձայնագրի համաժամանակյա վավերացման շուրջ պայմանավորվել է Եվրախորհրդարանի ներկայացուցիչների հետ»:
