Յագլանդն այս շաբաթ կայցելի Մոսկվա
Ռուսական РИА Новости լրատվական գործակալության փոխանցմամբ՝ Եվրոպայի Խորհրդի գլխավոր քարտուղար Թյորբոռն Յագլանդը այս շաբաթ ժամանելու է Մոսկվա, ուր և մտադիր է հանդիպել Ռուսաստանի արտգործնախարար Սերգեյ Լավրովի հետ:
Այս մասին գործակալությանը հայտնել է Եվրոպայի Խորհրդի ներկայացուցիչը: Նրա խոսքերով՝ Յագլանդի ու Լավրովի հանդիպումը պլանավորված է հոինգշաբթի: Ակնկալվում է, որ այդ հանդիպման ժամանակ քննարկվելու են Մոսկվայի ու Ստրասբուրգի ընթացիկ հարաբերությունները:
Այս տարվա ապրիլին ԵԽԽՎ-ը ռուսական պատվիրակությանը զրկել է ձայնի իրավունքից՝ կապված Ղրիմի ճանաչման հետ:
