Ադենի ծովածոցում կործանվել է ամերիկյան մարտական ուղղաթիռ
Ամերիկյան Associated Press լրատվական գործակալության փոխանցմամբ՝ Ադենի ծովածոցում կործանվել է ամերիկյան CH-53E Super Stallion մարտական ուղղաթիռը: Նրանում գտնված բոլոր մարդիկ ողջ են մնացել: Միջադեպը գրանցվել է երեկ:
Ուղղաթիռը փոխադրում էր Ջիբութիում անցկացված զորավարաժություններին մասնակցած ծովային հետևակայինների ստորաբաժանմանը և կործանվել է Mesa Verde նավի վրա վայրէջք կատարելիս: Ընդհանուր առմամբ, ուղղաթիռում գտնվել է 25 զինծառայող:
Տուժածներին ցուցաբերել են բուժօգնություն: ԱՄՆ ռազմածովային ուժերի հրամանատարությունը հայտարարել է, որ ուղղաթիռի կործանումը չի հանդիսանում թշնամական գործողությունների հետևանք:
