ՆԱՏՕ-ն դիտարկում է Վրաստանում տարածաշրջանային ռազմական ուսուցման կենտրոն ստեղծելու հնարավորությունը
Ուկրաինական UNIAN լրատվական գործակալության փոխանցմամբ՝ ՆԱՏՕ-ի հետ համագործակցության խորացումը կարող է հանգեցնել Վրաստանում տարածաշրջանային ուսումնական կենտրոնի ստեղծմանը: Այս մասին լրագրողների հետ զրույցում հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը.
«Մենք մտադիր ենք բարելավել ՆԱՏՕ-ի զինված ուժերի հետ վրացական զինված ուժերի փոխգործակցելու ունակությունը՝ ներառյալ ՆԱՏՕ-ի զորավարժություններին Վրաստանի մասնակցությունը:
Հնարավոր է՝ զորավարժությունները կարող են կազմակերպվել Վրաստանում՝ հատկապես այդպիսի զորավարժություններին ՆԱՏՕ-ի գործընկերներին ներգրավելու նպատակով: Մենք դիտարկում ենք Վրաստանում ռազմական ուսուցման կենտրոն ստեղծելու հնարավորությունը՝ ՆԱՏՕ-ի գործընկերներին ներգրավելու նպատակով»:
