Հուլիսի ընթացքում հանրապետությունում բացվել է 26 հասարակական կազմակերպություն
ՀՀ արդարադատության նախարարության աշխատակազմի իրավաբանական անձանց պետական ռեգիստրի գործակալության տվյալների համաձայն՝.2014թ. հուլիսի 1-ից մինչև հուլիսի 31-ն ընկած ժամանակաշրջանում սկզբնական գրանցում են ստացել թվով 1060 անհատ ձեռնարկատերեր։
Նույն ժամանակահատվածում սկզբնական գրանցում են ստացել 291 սահմանափակ պատասխանատվությամբ ընկերություն (ՍՊԸ) և 8 փակ բաժնետիրական ընկերություն (ՓԲԸ)։ Բաց բաժնետիրական ընկերություններ հուլիսի ընթացքում չեն գրանցվել։
Նշենք նաև, որ հուլիսի ընթացքում ավելացել է հասարակական կազմակերպությունների թիվը։ Սկզբնական գրանցում է ստացել 26 ՀԿ և 3 հիմնադրամ։
