Ռուսաստանը կարող է իր համար ցամաքային միջանցք ապահովել դեպի Ղրիմ. Շտայնմայեր
Deutsche Welle-ի փոխանցմամբ՝ Գերմանիայի արտգործնախարար Ֆրանկ Վալտեր Շտայնմայերը դիվանագիտական լեզվով ակնարկել է Ուկրաինայի տարածքում ռուսական զորքերի հետագա առաջխաղացման իրական սպառնալիքի մասին՝ դեպի Ղրիմ ցամաքային ելք ունենալու համար:
Գերմանացի դիվանագետն ընդգծել է, որ Ռուսաստանը ներկա դրությամբ դժվարություններ է կրում Ղրիմին մատակարարումներ իրականացնելիս, ինչի համար էլ չի բացառվում, որ Ռուսաստանը կարող է նոր փորձ ձեռնարկել՝ բռնակցելու համար Ուկրաինայի ցամաքային հատվածը:
Շտայնմայերի խոսքերով՝ ռուսական ցամաքային միջանցքները նույն կերպ կհակասեն միջազգային իրավունքին ու արժանի կլինեն քննադատությունների, ինչպես որ Ղրիմը Ռուսաստանին միացնելն է: Շտայնմայերը կարծում է, որ գոյություն ունի Ռուսաստանի ու Ուկրաինայի միջև ռազմական բաց գործողությունների իրական վտանգ:
