Ռուսաստանն իր զորքերը չի մտցրել Ուկրաինա. Սերգեյ Լավրով
Ուկրաինական UNIAN լրատվական գործակալության փոխանցմամբ՝ Ռուսաստանը հուսով է, որ Մինսկում այսօր կայանալիք բանակցությունների ժամանակ եռակողմ շփման խմբի մասնակիցները կհամաձայնեցնեն Դոնեցկի ու Լուգանսկի մարզերում հրադադարի հարցը: Այս մասին հայտարարել է Ռուսաստանի արտգործնախարար Սերֆեյ Լավրովը.
«Ես մեծապես հուսով եմ, որ այսօրվա բանակցություններն առաջին հերթին նվիրված կլիենեն անհապաղ, առանց նախապայմանների հրադադարի համաձայնեցմանը:
Ռուսաստանը կանի իրենից կախված ամեն ինչ, որպեսզի նպաստի Ուկրաինայում իրավիճակի խաղաղ, քաղաքական կարագավորման առաջխաղացմանը՝ հաշվի առնելով այդ երկրի բոլոր շրջանների շահերը»:
Լավրովը վստահեցրել է, որ Ռուսաստանն իր զորքերը չի մտցրել Ուկրաինա. «Ռուսաստանը ռազմական միջամտություն չի իրականացնի Ուկրաինայում»: Սրանից առաջ հաղորդվել էր, թե Ռուսաստանը վերջին օրերին Ուկրաինա է ուղարկել 10.000-20.000 զինծառայող:
