Ծովագյուղ-Դիլիջան Ճանապարհի հիմնանորոգումն ավարտվել է. երթևեկությունը կվերականգնվի օգոստոսի 30-ին՝ ժամը 17:00-ից
ՀՀ տրանսպորտի և կապի նախարարությունը տեղեկացնում է, որ Ծովագյուղից Դիլիջան տանող միջպետական նշանակության ավտոճանապարհով (Մ-4, Երևան – Սևան – Իջևան – Ադրբեջանի սահման) բոլոր տեսակի ավտոմեքենաների երթևեկությունը կվերականգնվի օգոստոսի 30-ին՝ ժամը 17:00-ից:
Ճանապարհի հիմնանորոգման աշխատանքներն արդեն ավարտվել են, իսկ նշագծման և կահավորման աշխատանքները կավարտվեն պայմանագրով նախատեսված ժամկետներում:
ՀՀ տրանսպորտի և կապի նախարարության լրատվական ծառայություն
