Սահմանը հատած ՀՀ քաղաքացու մասին տեղեկատվությունը հերքվում է. ԳԱԼԱ
Ինչպես ավելի վաղ տեղեկացրել էին ադրբեջանական լրատվամիջոցները, սահմանագծից իբր Ղազախի շրջանի Քեմերլի գյուղ է անցել ՀՀ մի քաղաքացի:
ՀՀ ՊՆ մամուլի խոսնակ Արծրուն Հովհաննիսյանը ԳԱԼԱ-ին տեղեկացրեց, որ զինվորական որեւէ անձ սահմանը չի հատել: Քաղաքացիական անձ լինելու հետ կապված եւս տեղեկություններ չունեն:
Տավուշի մարզային ոստիկանության վարչությունից ևս ԳԱԼԱ-ին հայտնեցին, որ իրենք նման հաղորդում չեն ստացել:
Քեմերլի գյուղը սահմանակից է Նոյեմբերյանի շրջանի Բարեկամավան, Դովեղ եւ Բերդավան գյուղերին:
ԳԱԼԱ-ի լրագրողը կապ է հաստատել նաև նշված համայնքների ղեկավարների հետ: Վերջիններս տարածված այդ տեղեկատվությունը համարեցին Ադրբեջանի կողմից տարածվող ապատեղեկատվություն եւ սադրանք:
Մանրամասներն՝ այստեղ
