Կալիֆոռնիայում երկրաշարժի հետեւանքով շուրջ 90 մարդ է տուժել
Կալիֆոռնիայում այսօր տեղի ունեցած 6,0 մագնիտուդ ուժգնությամբ երկրաշարժի հետեւանքով 87 մարդ է տուժել, թվիթերում գրել է Los Angeles Times թերթի լրագրող Ռայան Փարքերը:
«87 մարդ տեղափոխվել է հիվանդանոց` տարբեր վնասվածքներով: Երկու մեծահասակ եւ մեկ երեխա գտնվում են ծայրահեղ ծանր վիճակում», – գրել է լրագրողը` վկայակոչելով հրշեջ ծառայության տվյալները: Երկրաշարժը տեղի է ունեցել Կալիֆոռնիայի նահանգային կենտրոն Սակրամենտոյից 82 կմ հեռավորության վրա:
