Բեռնափոխադրման սայլակը գողացել և վաճառել էր

Ոստիկանության Մալաթիայի բաժնի ծառայողները Անդրանիկի փողոցի թիվ 87 շենքի մոտից, գողություն կատարելու կասկածանքով, բերման են ենթարկել 1961 թ. ծնված Աշոտ Փ.-ին:

Նա խոստովանել է, որ օգոստոսի 2-ին, գիշերը ժամը 01.00-ի սահմաններում, Րաֆֆու փողոցի թիվ 23 շենքին հարակից կրպակի մոտից գողացել է 55.000 դրամ արժողությամբ բեռնափոխադրման սայլակ, որը վաճառել է Շերամի և Օհանովի փողոցների խաչմերուկում գտնվող շինանյութի խանութներից մեկում:

Կատարվում է հետաքննություն:

 ՀՀ Ոստիկանություն