Դավութօղլուն գաղտնալսման հարցը քննարկել է իր գերմանացի գործընկերոջ հետ
Թուրքական Anadolu լրատվական գործակալության փոխանցմամբ` Թուրքիայի արտգործնախարար Ահմեթ Դավութօղլուն երեկ հեռախոսազրույց է ունեցել իր գերմանացի գործընկեր Ֆրանկ Վալտեր Շտայնմայերի հետ, որի ժամանակ քննարկել է գերմանական ԶԼՄ-ների այն հրապարակումը, թե գերմանական հետախուզությունը 2009 թվականից լրտեսել է Թուրքիային:
Հեռախոսազրույցի ժամանակ Դավութօղլուն ընդգծել է, որ (ՆԱՏՕ-ի գծով) դաշնակից երկրների պարագայում միմյանց գաղտնալսելն անընդունելի է և հակասում է դաշնակցային ոգուն:
Հեռախոսազրույցի արդյունքներով որոշվել է, որ երկու երկրների հետախուզության ղեկավարները պետք է հանդիպեն ամենամոտ ժամանակներս, որի ժամանակ գերմանական հետախուզության ղեկավարը պարզաբանումներ կտա իր թուրք գործընկերոջը:
