Հայտնի են Երևան-Վոլգոգրադ միկրոավտոբուսի վթարից տուժած ՀՀ քաղաքացիների անունները

Օգոստոսի 17-ին, ժամը 17.30-ի սահմաններում ՌԴ ԱԻՆ ԱՃԿԿ-ից տեղեկատվություն է ստացվել, որ Բուդյոնովսկ քաղաքի մոտակայքում տեղի է ունեցել ՃՏՊ. Երևան-Վոլգոգրադ ուղերթն իրականացնող «Մերսեդես սպրինտեր» մակնիշի միկրոավտոբուսը դեռևս չբացակայտված հանգամանքներում կողաշրջվել է. տուժել են 8 քաղաքացի, որոնցից 4-ը ՀՀ քաղաքացիներ են: Ս.Ջ.-ն (1982 թ.), Ա.Հ.-ն (ծնվ. 1999 թ.), Ս.Գ.-ն (ծնվ. 1986 թ.) տեղում ստացել են համապատասխան բուժօգնություն, իսկ Ն.Գ-ն (ծնվ. 2010 թ.) ձախ ուսի շրջանում կոտրվածքով տեղափոխվել է տեղի հիվանդանոց, որտեղ բուժօգնություն ստանալով դուրս է գրվել:

ՀՀ Արտակարգ իրավիճակների նախարարություն