Բեռլինում հանդիպել են Ռուսաստանի, Գերմանիայի, Ֆրանսիայի եւ Ուկրաինայի ԱԳ նախարարները` ուկրաինական ճգնաժամը քննարկելու համար
Բեռլինում հանդիպել են Ռուսաստանի, Գերմանիայի, Ֆրանսիայի եւ Ուկրաինայի արտգործնախարարները: «ՌԻԱ Նովոստի» գործակալության փոխանցմամբ` նախարարները հանդիպել են` Ուկրաինայում իրավիճակի շուրջ բանակցություններ վարելու նպատակով:
Գերմանիայի արտգործնախարար Ֆրանկ Վալտեր Շտայնմայերը լրագրողներին ասել է, որ նախարարները հավաքվել են Բեռլինում` «հրադադարի ուղղությամբ քայլեր ձեռնարկելու համար»: Նա նշել է, որ հաջողության երաշխիքներ չկան, սակայն խորհրդակցությունների հնարավորությունն անհրաժեշտ է օգտագործել:
