Ստավրոպոլում վթարի է ենթարկվել Երևանից Վոլգոգարդ ուղևորվող ավտոբուսը
ԻՏԱՌ-ՏԱՍՍ գործակալության փոխանցմամբ` Ռուսաստանի Ստավրոպոլի երկրամասում վթարի է ենթարկվել Երեւանից Վոլգոգրադ ուղեւորվող ավտոբուսը, 17 մարդ վնասվածքներ է ստացել:
Ռուսաստանի ՆԳՆ պետավտոտեսչությունից գործակալությանը հայտնել են, որ վթարը տեղի է ունեցել Մոսկվայի ժամանակով ժամը 17:05-ին, Բուդյոնովսկի շրջանում: «Mercedes Sprinter ավտոբուսի վարորդն ասել է, որ ընթացքի ժամանակ պայթել է մեքենայի անիվը: Վարորդը կորցրել է կառավարումը»,- հայտնել են ՆԳՆ վարչությունից:
Հայաստանի Հանրապետության համարանիշերով ավտոբուսում, որը մասնավոր ուղեւորություն է իրականացրել, եղել է 20 ուղեւոր եւ 2 վարորդ: Բժշկական օգնության նպատակով Բուդյոնովսկ քաղաքի շրջանային հիվանդանոց է դիմել 17 մարդ: Ուղևորները հիմնականում ստացել են թեթեւ մարմնական վնասվածքներ: Գերատեսչությունից հայտնել են, որ ավտոբուսը անվտանգության ամրագոտիներով ապահովված չի եղել, ինչը զգալի կնվազեցներ տուժածների թիվը:
Դեպքի վայրում աշխատում են պետավտոտեսուչներն ու քննչական խմբերը:
