Ռուսաստանը սահմանափակել է Եվրամիության երկրներից եւ ԱՄՆ-ից հագուստի գնումը
Ռուսաստանը սահմանափակել է օտարերկրյա մատակարարներից թեթեւ արդյունաբերական ապրանքների պետգնումները: Այս մասին տեղեկացնում է «Газета.Ru»-ն` վկայակոչելով ՌԴ կառավարության կայքէջի հաղորդագրությանը:
Հաղորդվում է, որ պետգնումները կիրականացվեն Բելառուսից եւ Ղազախստանից: Սահմանափակումը տարածվում է կտորեղենի, վերնազգեստների, համազգեստների, ներքնազգեստի, ինչպես նաեւ կաշվե եւ մորթե հագուստի վրա: Նշվում է, որ միջոցառումներն ուղղված են թեթեւ արդյունաբերության ոլորտում տեղական արտադրողների խրախուսմանը:
