Հովհաննես Մանուկյանը «Հավաքների ազատության մասին» օրենքում լրացումներ կատարելու նախագիծ չի ներկայացրել
Որոշ լրատվամիջոցներ տեղեկատվություն են տարածել, որ, իբր, ՀՀ արդարադատության նախարար Հովհաննես Մանուկյանը ՀՀ կառավարության 14.08.2014 թ. նիստում ներկայացրել է «Հավաքների ազատության մասին» օրենքում լրացումներ կատարելու նախագիծ, որին Կառավարությունը հավանություն է տվել: Հայտնում ենք, որ տարածված տեղեկատվությունը չի համապատասխանում իրականությանը, քանի որ արդարադատության նախարարը կառավարության նիստում նման նախագիծ չի ներկայացրել, և օրակարգում այդպիսի հարց չի քննարկվել:
ՀՀ ԱՆ տեղեկատվության և հասարակայնության հետ կապերի բաժին
