Հաջորդ տարի Շուշիում կբացվի Երեխաների խնամքի և պաշտպանության գիշերօթիկ հաստատություն
2015թ-ի կեսերից արցախցի մեկից 15 տարեկան ծնողազուրկ երեխաները բնակություն կհաստատեն Շուշիում կառուցվող Երեխաների խնամքի և պաշտպանության գիշերօթիկ հաստատությունում, որտեղ, շնորհիվ ամերիկաբնակ հայ բարերար Հրայր Հովնանյանի եւ ԼՂՀ կառավարության, հաստատության սաները կունենան բնակության, կրթության եւ ժամանցի համար անհրաժեշտ բոլոր պայմանները:
Ինչպես «Արցախպրես»-ին, տեղեկացրին «Հայաստան» Համահայկական Հիմնադրամից, ձեռնարկը նպատակ ունի ծնողական խնամքից զուրկ մանուկների համար ստեղծել այն միջավայրը, որտեղ նրանք կստանան թե’ ամենօրյա խնամք եւ թե’ անհրաժեշտ գիտելիքներ ու հմտություններ` կյանք մտնելու համար:
