Հերթական քրեական գործ` պաշտոնեական դիրքը չարաշահելու դեպքի առթիվ
Երևան քաղաքի մետրոպոլիտենի «Մարշալ Բաղրամյան» կայարանի տարածքում բնակվող Էմմա Ս.-ն հաղորդում է ներկայացրել այն մասին, որ ՀՀ ոստիկանության Արաբկիրի բաժնի աշխատակիցները, չարաշահելով իրենց պաշտոնեական դիրքը, 2013թ. դեկտեմբերի 2-ին նույն տարածքից իրեն բերման են ենթարկել ոստիկանության բաժին, որտեղ ապօրինի պահել են շուրջ 7 ժամ:
Դեպքի առթիվ ՀՀ հատուկ քննչական ծառայությունում նախապատրաստված նյութերով հարուցվել է քրեական գործ` ՀՀ քրեական օրենսգրքի 308-րդ հոդվածի 1-ին մասի հատկանիշներով:
Կատարվում է նախաքննություն:
ՀՀ Հատուկ քննչական ծառայություն
