Իրանում ուղեւորատար օդանավ է աղետի ենթարկվել. 50 մարդ զոհվել է
Այսօր առավոտյան Թեհրանի մոտակայքում ուղեւորատար օդանավ է աղետի ենթարկվել: Ինքնաթիռում գտնվել է մոտ 50 մարդ, որից յոթը` երեխաներ: Իրանական հեռուստաընկերությունների հաղորդմամբ` բոլորը զոհվել են:
Օդանավը, որը մայրաքաղաք Թեհրանից պետք է թռչեր Թաբաս քաղաք, վայր է ընկել թռիչքից մի քանի րոպե անց` մայրաքաղաքից հինգ կմ հեռավորության վրա: Հաղորդվում է, որ աղետի հնարավոր պատճառ կարող էր լինել շարժիչներից մեկի խափանումը:
