Ուկրաինական ավիաընկերությունները դեպի Երևան չվերթ կիրականացնեն` շրջանցելով Ռուսաստանի օդային տարածքը
Ուկրաինայի խոշորագույն` «Ուկրաինայի միջազգային ավիաուղիներ» ավիաընկերությունն ստիպված է փոխել դեպի Երևան, Թբիլիսի ու Բաքու թռիչքների ուղղությունը` Ռուսաստանի օդային տարածքի օգտագործումը բացառելու նպատակով, որը պատժամիջոցների պատճառով փակ է ուկրաինական ավիաընկերությունների համար, հաղորդում է ԻՆՏԵՐՖԱՔՍ գործակալությունը:
Ավիաընկերության մամուլի ծառայությունից հայտնել են, որ դա կբերի ժամանակի, ինչպես նաեւ վառելիքի ծախսերի ավելցաման: «Ստիլ Ավիա» ընկերության տնօրեն Եվգենի Խայնացկին նշել է, որ ռուսական օդային տարածքը շրջանցելու համար լրացուցիչ 15-30 րոպե կպահանջվի:
Ավելի վաղ հաղորդվել էր, որ Ռուսաստանն արգելել է ուկրաինական ավիաընկերությունների կողմից թռիչքների իրականացումն իր օդային տարածքով:
