Հրավիրել են դիտորդ լինել Աբխազիայում
Աբխազիայի խորհրդարանի նախագահ, նախագահի պաշտոնակատար Վալերի Բգանբան պաշտոնական հրավեր է ուղարկել Հայաստանում Մակեդոնիայի հյուպատոս, ՀՀ հանրային խորհրդի արտաքին հարաբերությունների հանձնաժողովի անդամ Արա Սարգսյանին որպես դիտորդ ներկա գտնվելու օգոստոսի 24-ին կայանալիք Աբխազիայի նախագահի ընտրություններին: Արա Սարգսյանը, ով Հայաստանի միակ հրավիրյալն է տնտեսագիտության դոկտոր է, Ռուսաստանի աշխարհաքաղաքական ակադեմիայի փոխնախագահ: Հիշեցնենք, որ Աբխազիայի նախագահ Ալեքսադր Անկվաբը ժողովրդական ճնշման տակ հրաժարական տվեց հունիսի 1-ին, և այս ընտրություններում նախագահի հիմնական ֆավորիտը համարվում է նախկին վարչապետ, ընդդիմության առաջնորդ Ռաուլ Խաջինբան:
