Հայտնաբերվել է թմրամիջոցների ապօրինի շրջանառության 15 դեպք

«Կանեփ-կակաչ-2014» համալիր օպերատիվ-կանխարգելիչ միջոցառման շրջանակներում` օգոստոսի 7-ի դրությամբ հայտնաբերվել և այրման միջոցով ոչնչացվել է 11 տոննա 107 կգ վայրի աճած և աճեցված կանեփի և 7 կգ կակաչի կանաչ զանգված:
Բացի այդ, ստացված օպերատիվ տեղեկությունների իրացման արդյունքում` հայտնաբերվել է թմրամիջոցների ապօրինի շրջանառության 15 դեպք:

Տնամերձ 73 հողամասերից հայտնաբերվել և առգրավվել է ապօրինի աճեցված 702.5 կգ կանեփի բույս:

Նշված փաստերով նախապատրաստվել են համապատասխան նյութեր, իսկ առգրավվածները ներկայացվել են փորձաքննության:

 ՀՀ Ոստիկանություն