Տաքսու վարորդներն ու ավտոներկրողները պատրաստ են մեկնել ռազմաճակատ. «Հրապարակ»
««Տաքսու վարորդներից և ավտոներկրողներից բաղկացած մոտ 100 քաղաքացիներ պատրաստ են մեկնել ռազմաճակատ»,- հայտարարում է Ավտովարորդների պաշտպանության լիգայի նախագահ Տիգրան Հովհաննիսյանը»,- գրում է «Հրապարակ» թերթը՝ ավելացնելով.
«Լիգայում ընդգրկված է ավտոներկրողների միությունը, որը պաշտպանում է ավտոներկրողների շահերը, և տաքսու վարորդների շահերի պաշտպանությամբ զբաղվող ընկերությունը։
Լիգայի մոտ 100 անդամներ հաստատակամ հայտարարում են, որ պատրաստ են կռվելու և դրա հետ մեկտեղ պահանջում և խնդրում են պաշտպանության նախարարից, որ իրենց համար զորավարժություններ կազմակերպի, որպեսզի իրենք լրացնեն ռազմական հմտությունների ու գիտելիքների բացը և կարողանան լիարժեք մասնակից լինել ռազմական գործողություններին շփման գծում»։
Ամբողջությամբ կարդացեք «Հրապարակ»-ի այսօրվա համարում։
