Ողբերգական ավտովթար՝ Սպիտակ-Երևան ավտոճանապարհին. կան զոհեր
Օգոստոսի 7-ին, ժամը 01.52-ին տեղեկատվություն է ստացվել, որ Լոռու մարզի Ջրաշեն գյուղի ոլորանների մոտ բեռնատար է կողաշրջվել, կա տուժած. անհրաժեշտ է փրկարարների օգնությունը:
Դեպքի վայր են մեկնել ՄՓՎ ՕԽ-ն և մեկ մարտական հաշվարկ:
Պարզվել է, որ Մ-3 միջպետական ավտոճանապարհի Սպիտակ-Երևան հատվածում (10-րդ կմ) գարեջուր տեղափոխող «Վոլվո» մակնիշի 71 OO 071 պ/հ բեռնատարը դուրս է եկել ավտոճանապարհի երթևեկելի հատվածից և շրջվել, ինչից վարորդը և ուղևորը տեղում մահացել են:
Հրշեջ-փրկարարները բեռնատարի խցիկից դուրս են բերել Օ. Ե.-ի (ք. Երևան), Լ. Կ.-ի (ք. Ալավերդի) դիերը, հոսանքազրկել ավտոմեքենան և դադարեցրել վառելիքի արտահոսքը:
ՀՀ Արտակարգ իրավիճակների նախարարություն
