Չինաստանում երկրաշարժի հետևանքով զոհերի թիվը հասել է 150-ի
Չինաստանի հարավ-արեւմուտքում տեղի ունեցած երկրաշարժի հետևանքով առնվազն 150 մարդ է զոհվել, հաղորդում է ԻՏԱՌ- ՏԱՍՍ գործակալությունը` վկայակոչելով չինական լրատվամիջոցներին: Շուրջ 100 մարդ վիրավոր է:
Երկրաշարժը տեղի է ունեցել կիրակի` 6.3 մագնիտուդ ուժգնությամբ, տեղական ժամանակով 16:30-ին: Էպիկենտրոնը գտնվել է Վենպին բնակավայրից 11 կմ եւ Չժաոտուն քաղաքից 29 կմ հեռավորության վրա: Մի շարք բնակավայրերում հեռախոսային հաղորդակցությունը խափանվել է, քանդվել են շինություններ, վնասվել էլեկտրահաղորդակցության լարեր:
