Շոյգուն, Ժիրինովսկին եւ Զյուգանովը հարցաքննության համար հրավիրվել են Ուկրաինա
Ուկրաինայում Ռուսաստանի Դաշնության դեսպանին ծանուցում է ուղարկվել` ռուսաստանցի քաղաքական գործիչներ Վլադիմիր Ժիրինովսկուն, Գենադի Զյուգանովին, Սերգեյ Միրոնովին եւ ՌԴ պաշտպանության նախարար Սերգեյ Շոյգուին, ինչպես նաեւ մի շարք այլ անձանց հարցաքննության հրավիրելու վերաբերյալ:
Նշվում է, որ Ուկրաինայի ՆԳՆ հետաքննչական վարչությունը նշված անձանց նկատմամբ հարուցված քրեական գործերի շրջանակում նախաքննություն է իրականացնում: Վերջիններիս նկատմամբ գործ է հարուցվել Ուկրաինայի ՔՕ 260-րդ հոդվածի հատկանիշներով` օրենքով չսահմանված զինված խմբավորումների ղեկավարում, ֆինանսավորում, սպառազինում եւ այլն:
