Ադրբեջանցի դիվերսանտը վիրավորել է Այգեձորի բնակչին. aravot.am
aravot.am-ի փոխանցմամբ՝ հուլիսի 30-ի ն ժամը 18.30-ի սահմաններում Այգեձոր գյուղի բնակիչ , 1965թ. ծնված Վալերի Ճաղարյանը գյուղի արոտավայրերում որոնել է իր կորած անասուններին:
Նա հայ-ադրբեջանական սահմանից 2-3 կմ հեռավորության, գյուղի տներից մոտ 1.5 կմ հեռավորությամբ գտնվելով՝ տեսել է զինվորական հագուստով տղամարդու:
Դա այգեձորցուն կասկածելի է թվացել, նա ցանկացել է հեռանալ, սակայն անծանոթը ատրճանակով կրակել է:
Այգեձորի բնակիչները կայքին հայտնել են, որ գնդակը դիպել է Ճաղարյանի ուսի փափուկ հյուսվածքներին: Ներկայումս նա գտնվում է Բերդի զինվորական հոսպիտալում:
Ամբողջությամբ կարող եք կարդալ սկզբնաղբյուր կայքում:
