Չինարին կրկին գնդակոծվել է. «Ազատություն»
Կիրակի օրը Հայաստանի սահմանամերձ Չինարի գյուղը կրկին գնդակոծվել է։ «Ազատության» հետ զրույցում Չինարիի գյուղապետ Սամվել Սաղոյանը ասաց, որ կրակել են գյուղի դաշտում աշխատող կոմբայնի վրա՝ գյուղատնտեսական աշխատանքներ կատարելու պահին։
Ըստ գյուղապետի՝ Կարմիր Խաչը նախապես պայմանավորվածություն էր ձեռք բերել ադրբեջանական կողմի հետ, որ այդ ժամերին կրակոցներ չլինեն և գյուղացիները կարողանան դաշտում աշխատել, մինչդեռ հակառակորդը պայմանավորվածությունը խախտել է և, ըստ Սաղոյանի, կրակել է ոչ միայն կոմբայնի, այլև տեղում գտնվող Կարմիր Խաչի աշխատակիցների մեքենայի ուղղությամբ։
Կոմբայնը Չինարի էին բերել հարևան Մովսես գյուղից։ Մովսեսի գյուղապետ Արարատ Ավալյանը «Ազատության» հետ զրույցում պատմեց, որ կոմբայնը դաշտից դուրս են բերել կրակահերթի տակ։
«Կոմբայնը տարել էի Չինարի գյուղ երկու օրով օգնության, Կարմիր Կաչի պայմանավորվածություն էր, ժամը լրանալուց երեք րոպե առաջ՝ երեկոյան 7-ին 3 պակաս սկսեցին կրակոցները, կոմբայնը մնաց դաշտում, երեկ ենք տեղափոխել, տեղափոխելու պահին էլ հետևից կրակոցներ եղան», – փոխանցեց Ավալյանը:
Բարեբախտաբար, գնդակոծության արդյունքում վիրավորներ չկան, մինչդեռ Չինարիի գյուղապետ Սամվել Սաղոյանի խոսքով՝ եթե դաշտում չկարողանան աշխատանքներ կատարել, գյուղացիները առանց հացի կմնան։
Ամբողջությամբ կարող եք կարդալ սկզբնաղբյուր կայքում:
