Աֆրիկայից փաստաթղթեր ունենք, որ Աշոտ Սուքիասյանին խաբել են. փաստաբան. NEWS.am
«Օֆշորի գործով» կալանավորված գործարար Աշոտ Սուքիասյանն այժմ փորձում է ապացուցել, որ իրեն Աֆրիկայում խաբել են. կան փասռտաթղթեր, որ հայ գործարարին «խաբած» աֆրիկացիների նկատմամբ այդ երկրում սանկցիա է կիրառվել եւ վերջիններս ձերբակալված են: Այս մասին NEWS.am-ին ասաց Աշոտ Սուքիասյանի փաստաբան Յուրիկ Խաչատրյանը:
«Նախաքննությունը ամենաքիչը երկու ամիս էր կձգձգվի, քանի որ արտասահմանյան երկրներ հարցումներ պետք է ուղարկել: Այս պահին մենք Աֆրիկայից ստացել ենք փաստաթղթեր, որոնք ուղարկել ենք թարգմանության, իսկ հետո կներկայացնենք քննչական մարմնին: Այդ փաստաթղթից երեւում է, որ Աշոտ Սուքիասյանին խաբել են. նրա հետ գործարք կատարած մարդկանց նկատմամբ դատարանը սանկցիա է կիրառել, ձերբակալվել են: Այլ մանրամասներ չեմ կարող հայտնել»,- ասաց նա:
Փաստաբանի խոսքով՝ կալանավորված գործարարը շարունակում է հարցաքննվել, ամեն օր ցուցմունք է տալիս, որից հետո արդեն առերեսում կլինի, եթե իհարկե անհրաժեշտություն լինի: Հարցին՝ արդյոք Յուրիկ Խաչատրյանը չի բողոքարկելու դատարանի որոշումը՝ խափանման միջոց կալանքը փոխելու վերաբերյալ, վերջինս նշեց, որ ձեւական է դա լինելու եւ դիմումը մերժվելու է:
Ամբողջությամբ կարող եք կարդալ սկզբնաղբյուր կայքում:
