Արյունը բերանից հոսելով ասում էր՝ Վիկ, ես լավ եմ. ինչպես են սպանել ազատամարտիկին…(տեսանյութ). news.am
Հուլիս 15-ին Երեւանի Նոր-Նորք թաղամասում հարեւանների կողմից դաժան ծեծի ենթարկվելուց հետո մահացած, արցախյան ազատամարտի մասնակից, 52-ամյա Վարդան Թումանյանը մինչեւ վերջ չի հանձնվել, գլխին բազմաթիվ հարվածներ ստանալու եւ արնահոսելուց հետո էլ փորձել է ոտքի կանգնել, որպեսզի չվախեցնի կռվին ներկա դստերն ու կնոջը:
NEWS.am-ի հետ զրույցում այս մասին ասաց ազատամարտիկ Վարդան Թումանյանի կինը՝ Տանյա Մելքումյանը, որը դեպքի վայրում մեր թղթակցին պատմեց կատարվածի մանրամասները։
«Ոնց որ Վարդանը մեռած լիներ՝ սիրտը աշխատում էր, բայց մեռած էր: Դաժան ծեծի ընթացքում նա ուշագնաց չի եղել. ինքը նրանց դիմաց ուշագնաց չէր լինի, թուրքի ձեռքից դուրս ա եկել, որ դրանց դիմաց ուշագնաց լինե՞ր»,- ասաց տիկին Տանյան:
