Ադրբեջանցի դիվերսանտների սպանած 17-ամյա Ցականյանին հուղարկավորել են փակ դագաղով. 1in.am
Այսօր՝ ժամը 2-ին ԼՂՀ Շահումյանի շրջանի Նոր Էրքեջ գյուղում կայացել է 17-ամյա Սմբատ Ցականյանի հուղարկավորությունը, ում սպանել են օրեր առաջ ԼՂՀ ներթափանցած ադրբեջանցի դիվերսանտները: 17-ամյա պատանուն հուղարկավորել են փակ դագաղով: Սմբատը ծնողների 6 երեխաներից ամենակրտսերն էր: Նա անհետացել էր հուլիսի 4-ին:
«Առաջին լրատվական»-ի հետ զրույցում Նոր Էրքեջի գյուղապետ Արա Հովհաննիսյանն ասաց, որ գյուղը պատանու ծնողների հետ միասին սգում է Սմբատի մահը և խիստ պատիժ է պահանջում պատանուն սպանած ադրբեջանցիների համար:
Գյուղապետը հաստատեց տեղեկությունը, որ ադրբեջանցիներն են ցույց տվել պատանու դիակի տեղը, որտեղ և նրան սպանել էին:
Մանրամասներն՝ այստեղ
