Երևանի քաղաքապետարանը հրավիրում է դիտելու ֆուտբոլի եզրափակիչ խաղը Կարապի լճի հարևանությամբ
Երևանի քաղաքապետարանը «Երևանյան ամառ 2014» ծրագրի շրջանակում հուլիսի 13-ին ժամը 22:00-ից բոլորին հրավիրում է Կարապի լճի հարակից տարածք՝ լճում տեղադրված էկրանին միասին դիտելու ֆուտբոլի աշխարհի առաջնության եզրափակիչ հանդիպումը: Այս մասին տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը:
Երևանի քաղաքապետարանը և միջոցառման աջակից հովանավորները հոգացել են, որ լճի հարակից տարածքը երեկոյան վերածվի ինքնատիպ փոքրիկ Բրազիլիայի:
«Բրազիլական երաժշտությանը, գույներին ու տրամադրությանը կավելանան նաև հաճելի անակնկալները, իսկ թե ինչպիսի՝ կիմանաք, եթե երեկոյան այցելեք կարապի լճի հարակից տարածք: Երեկոյան ժամը 22:00-ից այցելեք Կարապի լճի հարակից տարածք և իսկական տոն դարձրեք ֆուտբոլային երեկոն Ձեր և ձեր ընտանիքի համար»,- ասվում է հաղորդագրությունում:
