Էշթոնն արձագանքել է Եվրոպայի հայ դատի հանձնախմբի նամակին. azatutyun.am
Եվրամիության արտաքին քաղաքականության պատասխանատու Քեթրին Էշթոնը անդրադարձել է սիրիահայերի և Քեսաբի խնդրին, հաղորդում է azatutyun.am-ը:
Պատասխանելով Եվրոպայի հայ դատի հանձնախմբի նամակին, որտեղ անդրադարձ էր կատարվել Սիրիայում հայկական բնակատեղիների և բնակչության վրա հարձակումների խնդրին` Էշթոնի ներկայացուցիչ Վասիլիս Բոնտոսողլուն նշել է, որ Եվրամիությունը կիսում է սիրիահայերի պայմանների հետ կապված մտահոգությունները:
Էշթոնը տեղյակ է նաև Քեսաբի և մյուս բնակավայրերի վրա կատարված հարձակումներից և ջանքեր է գործադրում նվազեցնել Ալ-Ղաիդայի և նրա հետ համագործակցող ուժերի ազդեցությունը Մերձավոր Արևելքում:
«Հավատացած եղեք, որ մենք գործադրում ենք բոլոր հնարավորին միջոցները մեր ուժերի ներածին չափով ծայրահեղականության դեմ պայքարում և աջակցում ենք բոլոր կրոնական և ազգային փոքրամասնությունների խաղաղ համակեցությունը», – ասված է ԵՄ արտաքին հարաբերությունների պատասխանատուի նամակում:
Ամբողջությամբ կարող եք կարդալ սկզբնաղբյուր կայքում:
