Ալրաղացի Լյովիկի եղբայրը պաշտոն է ստացել ԱԺ-ում. «Ժողովուրդ»
«ԱԺ-ում օրերս ուշագրավ կադրային նշանակում է տեղի ունեցել»,- գրում է «Ժողովուրդ» թերթը՝ ավելացնելով.
«Խորհրդարանի ավտոպարկի տնօրեն է նշանակվել ԱԺ նախկին պատգամավոր Լևոն Սարգսյանի` Ալրաղացի Լյովիկի եղբայրը` Արմեն Սարգսյանը:
Հիշեցնենք, որ Ալրաղացի Լյովիկը պատգամավորության ընթացքում պարբերաբար հայտնվում էր սկանդալային պատմությունների, ծեծկռտուքների ու նույնիսկ` սպանությունների կիզակետում:
Վերջապես բանը հասավ նրան, որ Սերժ Սարգսյանն իր երբեմնի սիրելի պատգամավորին ընդհանրապես մեկուսացրեց քաղաքական դաշտից:
Լևոն Սարգսյանին չօգնեց անգամ որդու անունը, ում, ի պատիվ Սերժ Սարգսյանի, Սերժ է անվանել:
Բայց այս նշանակումն ուշագրավ է նաև այն առումով, որ երբ Ալրաղացի Լյովիկը պատգամավոր էր, նրա օգնականը ոչ ավել, ոչ պակաս, հանրահայտ ընդդիմադիր գործիչ Արշակ Սադոյանն էր»:
Ամբողջությամբ կարդացեք «Ժողովուրդ»-ի այսօրվա համարում։
