Ավիատոմսերը թանկացել են. «ՀԺ»
«Մոտ 15-20 օր է, ինչ ավիատոմսերի գները բարձրացել են»,- գրում է «Հայկական ժամանակ» թերթը՝ ավելացնելով.
«Այս մասին մեզ հայտնեցին ավիատոմսերի վաճառքով զբաղվող ընկերություններից: Ընդ որում, թանկացել են ամենամեծ պահանջարկը վայելող Երևան-Մոսկվա ավիատոմսերը:
Մեր թղթակցի հետ զրույցում «Գոլդեն տուր» ընկերության աշխատակիցը տեղեկացրեց, որ դեպի Մոսկվա թռիչքը հետդարձի հնարավորությամբ 98 հազար դրամի փոխարեն ներկայումս արժե 150 հազար դրամ: Մեկ այլ ընկերությունից էլ մեզ հայտնեցին.
«Օրինակ, Մոսկվա հետդարձի հնարավորությամբ կարող ենք առաջարկել 133 հազար դրամանոց տոմս, որը նախկինում 125 հազար դրամ էր»»։
