Samsung-ը երկու ամսից էլ պակաս ժամանակահատվածում վաճառել է 800.000 «խելացի ժամացույց»
Բրիտանական Reuters լրատվական գործակալության փոխանցմամբ՝ Samsung ընկերությունը երկու ամսից էլ պակաս ժամանակահատվածում վաճառել է Galaxy Gear տիպի 800.000 «խելացի ժամացույց»: Այս մասին հայտարարել է Samsung ընկերության ներկայացուցիչը՝ ընդգծելով, որ այդ ցուցանիշը գերազանցել է իրենց սպասելիքները:
Samsung ընկերությունը Galaxy Gear-ը որակել է որպես «աշխարհի ամենահանրաճանաչ խելացի ժամացույց»: Դրանք վաճառքում են հայտնվել այս տարվա սեպտեմբերի 25-ին, և դրանից հետո միայն Հարավային Կորեայում վաճառվել է 50.000 հատ Galaxy Gear: «Խելացի ժամացույցը» արժե 299 դոլար:
