TANAP գազատարն ունակ է ապահովել Եվրոպայի գազային կարիքները. Ռովնագ Աբդուլաև
Թուրքական Zaman թերթի փոխանցմամբ՝ Ադրբեջանի պետական նավթային ընկերության (SOCAR) ղեկավար Ռովնագ Աբդուլաևը հայտարարել է, որ «Անդրանատոլիական» գազատարy (TANAP) ունակ է ապահովել Եվրոպայի գազային կարիքները:
Աբդուլաևի խոսքերով՝ Ադրբեջանի գազային պաշարները կազմում են ավելի քան 3 տրիլիոն խորանարդ մետր, ինչը նպաստում է երկրի արտահանման պոտենցիալի զարգացմանը: Նա ընդգծել է, որ նոր գազահանքերի շահագործման շնորհիվ կհաջողվի 2025 թվականին Ադրբեջանում արդյունահանվող տարեկան գազի ցուցանիշը հասցնել 40-45 միլիարդ խորանարդ մետրի.
«Այդպիսի ծավալի գազ արտահանելու համար ծագում է նոր գազատարի անհրաժեշտություն: Առաջին փուլում TANAP գազատարի թողունակությունը կազմելու է 16 միլիարդ խորանարդ մետր: Հետագայում դա կհասցվի մինչև 30 միլիարդ խորանարդ մետրի»:
