«Վեցյակի» հետ բանակցություններում դեռ չի գրանցվել առաջընթաց. Արաղչի
Իրանական Mehr լրատվական գործակալության փոխանցմամբ՝ իրանական կողմը կարծում է, որ Ժնևում «Վեցյակի» հետ անցկացված բանակցությունների երկրորդ օրը հաջողություն չի բերել: Այդ մասին հայտարարել է Իրանի փոխարտգործնախարար Աբբաս Արաղչին՝ ընդգծելով, որ դեռ առաջընթաց չի գրանցվել:
Ավելի վաղ ԵՄ-ի դիվանագիտության ղեկավար Քեթրին Էշթոնը հայտարարել էր, որ «Վեցյակի» ու Իրանի միջև պայմանավորվածություն կարող է ձեռք բերվել արդեն այս շաբաթ, և որ բանագնացները պատրաստ են մնալ Ժնևում մինչև որ չհասնեն արդյունքի: «Վեցյակի» ու Իրանի միջև բանակցությունները Ժնևում կշարունակվեն այսօր:
