Քեթրին Էշթոնը ողջունել է Հայաստանի ու Ադրբեջանի նախագահների հանդիպումը
Europa.eu-ի փոխանցմամբ՝ ԵՄ-ի դիվանագիտության ղեկավար Քեթրին Էշթոնն այսօր հայտարարություն է տարածել՝ կապված ԵԱՀԿ Մինսկի խմբի հովանու ներքո նոյեմբերի 19-ին Վիեննայում տեղի ունեցած Հայաստանի ու Ադրբեջանի նախագահներ Սերժ Սարգսյանի ու Իլհամ Ալիևի հանդիպման հետ:
Իր հայտարարությունում Էշթոնը ողջունել է այդ հանդիպումը ՝ ընդգծելով, որ լավատեսություն է ներշնչում այն, որ Հայաստանի ու Ադրբեջանի նախագահները պայմանավորվել են բանակցությունները շարունակել հետագա ամիսներին:
Էշթոնը նաև նշել է, որ ԵՄ-ը պատրաստ է աջակցել Ղարաբաղյան հակամարտության քաղաքական կարգավորման ուղղությամբ ջանքերի ակտիվացմանը և նպաստել ԵԱՀԿ Մինսկի խմբի աջակցությամբ խաղաղաշինության և փոխվստահության կառուցման ջանքերին:
