Մինսկում արձանագրություն է ստորագրվել Բելառուսի ու Թուրքիայի խորհրդարանների համագործակցության մասին
Բելառուսական BELTA լրատվական գործակալության փոխանցմամբ՝ նախօրեին Մինսկում ստորագրվել է Բելառուսի ու Թուրքիայի խորհրդարանների միջև համագործակցության արձանագրություն: Բելառուսական կողմից այն ստորագրել են խորհրդարանի երկու պալատի նախագահներ Անատոլի Ռուբինովը և Վլադիմիր Անդրեյչենկոն, իսկ թուրքական կողմից՝ Թուրքիայի Ազգային մեծ ժողովոի (ԹԱՄԺ) նախագահ Ջեմիլ Չիչեքը, ով հանդիսանում է թուրքական պատվիրակության ղեկավարը:
Չիչեքը լրագրողների հետ զրույցում հայտարարել է, որ ստորագրված փաստաթղթի շնորհիվ իրենք կարող են հետագայում զարգացնել միջխորհրդարանական կապերն ու համագործակցությունը: Ռուբինովն իր հերթին հայտարարել է, որ ստորագրված արձանագրությունն էականորեն կինտենսիվացնի խորհրդարանական շփումները:
