Փորձաքննությունը հաստատել է Հրաչյա Հարությունյանի մեղքը Մոսկվայում գրանցված ողբերգական վթարում
Փորձաքննությունը հաստատել է «Կամազ» մակնիշի ավտոմեքենայի վարորդ Հրաչյա Հարությունյանի մեղքը Նոր Մոսկվայում գրանցված վթարի հարցում, որի արդյունքում զոհվել էր 18 մարդ, հաղորդում է ИТАР-ТАСС-ը` հղում կատարելով Մոսկվայի ՆԳՆ գլխավոր վարչությանը: Այս մասին տեղեկացնում է ԳԱԼԱ-ն:
«Մայրաքաղաքի ոստիկանության Գլխավոր հետաքննչական վարչությունը ստացել է դատաբժշկական և երեք ավտոտեխնիկական փորձաքննությունների եզրակացությունները, որոնք նշանակվել էին Նոր Մոսկվայի տարածքում«Կամազի» վարորդ Հրաչյա Հարությունյանի մասնակցությամբ քրեական գործով: Ավտոտեխնիկական փորձաքննության եզրակացությունից հետևում է, որ վարորդի գործողություններում եղել են երթևեկության կանոնների, ինչպես նաև ավտոմեքենաների շահագործման կանոնների խախտումներ»,- ասել են ոստիկանությունում:
