Ուկրաինայի ու Ադրբեջանի նախագահները երկկողմ փաստաթղթեր են ստորագրել Կիևում

Ադրբեջանական APA լրատվական գործակալության փոխանցմամբ՝ Ադրբեջանի ու Ուկրաինայի նախագահներ Իլհամ Ալիևն ու Վիկտոր Յանուկովիչն այսօր արձանագրություն են ստորագրել Կիևում:

Ուկրաինայի նախագահի մամլո ծառայության հաղորդմամբ՝ արձանագրությունում գրանցված են ադրբեջանա-ուկրաինական երկկողմ հարաբերությունների օրակարգում ընկած հիմնական հարցերի շուրջ քննարկումների արդյունքները:

Խոսքը հիմնականում գնում է քաղաքական երկխոսության իրավիճակի և զարգացման հեռանկարների, առևտրա-տնտեսական համագործակցության, վառելիքա-էներգետիկ ոլորտների մասին: Ադրբեջանն ու Ուկրաինան ստորագրել են մի շարք համաձայնագրեր: